Тошкент марказидаги «Дўстлар» кафеси яқинида транспорт воситалари тўхташи тақиқланган жойда қолдирилган Lacetti устига дарахт ағанади. Бу ҳақда Facebook’даги «Водители Ташкента» гуруҳида фотохабар қолдирилган.
Ҳодиса оқибатида жабрланган кишилар ҳақида аниқ маълумотлар йўқ.
Фойдаланувчилар шаҳарнинг бу қисмида кучли шамоллар натижасида дарахтлар ва уларнинг шохлари тез-тез қулаб туриши ҳақида ёзган.
Айни вақтда, «агар тақдирига ёзилган бўлса, рухсат этилган жойда қолдирилган машина устига ҳам дарахт ағанайверади», деган комментларни ҳам кўриш мумкин.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)