Euro NCAP qo‘mitasi 2016-yilning eng xavfsiz avtomobillari reytingini e’lon qildi. Bu haqda “Korrespondent.net” xabar bermoqda.
“Kichik oilaviy avtomobil” toifasida Hyundai Ioniq xetchbekiga teng keladigani topilmadi. Mashina haydovchi himoyasi bo‘yicha 91, yo‘lovchi bola himoyasida 80, piyoda himoyasi uchun esa 79 foiz-ball to‘pladi.
Toyota Prius xavfsizlik nuqtai nazaridan eng yaxshi katta oilaviy avtomobil deb topildi. Mashina haydovchi va bola himoyasi uchun 92 foizdan, piyoda himoyasida esa 85 foiz-ball ishlab oldi.
Tegishli ravishda 96, 84 va 72 foiz-ball to‘plagan Volkswagen Tiguan eng xavfsiz kichik krossover deb topildi.
Euro NCAP eng xavfsiz avtomobillar reytingini tuzish uchun krash-sinovlar turkumini o‘tkazadi. Ularda yuzma-yuz va yondan to‘qnashuv yuz berganda haydovchi va yo‘lovchilarning himoyalangani, shuningdek, to‘xtatish tizimi ishi baholanadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)