Tayvan hukumati mahalliy qonunlarni buzgani uchun jazo sifatida egasidan musodara qilingan Lamborghini Murcielago SV superkarini ommaga ibrat sifatida yo‘q qildi, deb yozadi Motor. Kranlar yordamida avtomobilning bo‘laklanishi aks etgan video YouTube’da paydo bo‘ldi.
Ushbu superkar voqeasi 2013-yilda, politsiya Lamborghini’ni oddiy hujjatlar tekshiruvi uchun to‘xtatgan vaqtda boshlangandi. O‘shanda Murcielago’ning raqam belgisi Ford sedaniga tegishli ekanligi aniqlandi.
Tayvan qonunlariga muvofiq, avtomobil musodara qilindi. Mashina egasi, mahalliy aviakompaniyalardan birining uchuvchisi Lin apellyatsiya berishga urindi, ammo uning barcha shikoyatlari rad etildi.
Uch yil omborxonada saqlangan superkar 14-dekabr, chorshanba kuni yo‘q qilindi, va hatto mahalliy telekanal orqali namoyish etildi. Mashinaning birorta ham bo‘lagi qayta sotilishi mumkin emas, shu tufayli, Murcielago mayda qismlarga bo‘lib tashlandi. Hukumat fikricha, ushbu holat boshqa qonunbuzarlarga ibrat bo‘lib xizmat qilishi kerak.
Izoh (0)