Ipsos so‘rovi Fiyon va Le Pen Fransiyadagi prezidentlik saylovlarining birinchi bosqichida yetakchilik qilishini ko‘rsatdi

“Respublikachilar” partiyasi nomzodi Fransua Fiyon va “Milliy front” yetakchisi Marin Le Pen Fransiyadagi prezidentlik saylovlarining birinchi bosqichida yetakchilik qiladi. Agar saylovlar hozir bo‘lib o‘tganda Fiyon 26 dan 29 gacha, Le Pen esa 24—25 foiz atrofida ovoz olgan bo‘lardi. Ipsos-Sopra Steria tomonidan o‘tkazilgan so‘rov natijalari shundan dalolat bermoqda, deya ma’lum qildi “Vedomosti”.

So‘rov 2—7-dekabr kunlari o‘tkazildi. Unda 18 mingdan ortiq kishi ishtirok etdi. 

So‘rov natijalariga ko‘ra, uchinchi o‘ringa sobiq iqtisodiyot vaziri Emmanuel Makron (13—18% ) va So‘l partiya ta’sischilaridan biri Jan-Lyuk Melanshon (13—14%) da’vogarlik qilishi kutilmoqda. Sobiq bosh vazir Manuel Vals 11— 12 foiz atrofida ovoz to‘plashi mumkin. 

Ma’lumot uchun, Fransiyada prezidentlik saylovi kelgusi yil aprelida bo‘lib o‘tadi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.