BMT Suriya hukumati Aleppoda inson huquqlariga rioya etilishiga mas’ul ekanligini bildirdi

BMTning Suriyada inson huquqlari buzilishini o‘rganish komissiyasi mamlakat hukumati Sharqiy Alepponing o‘zi nazorat qilayotgan hududlarida mazkur huquqlarga rioya etilishi uchun mas’ul ekanini bildirdi. Bu haqda “TASS” xabar bermoqda.

“Suriya hukumati ittifoqdosh kuchlari bilan birga Sharqiy Alepponi nazorat qilmoqda va shu tariqa huquq buzilishlari, jumladan, ehtimoliy qatag‘onlar uchun asosiy mas’uliyat zimmasida. Komandirlar vakolatlari doirasida qo‘shinlarda intizomni ta’minlashi va huquqbuzarlarni javobgarlikka tortishi lozim”, — deyiladi komissiya bayonotida.

BMT ekspertlariga ko‘ra, Suriya mojarosida harbiy g‘alaba imkoniyatsiz va begunoh insonlar qurbon bo‘lishining oldini olish uchun siyosiy muzokaralarga qaytish zarur.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.