Rossiya prezidenti Vladimir Putin Turkiya prezidenti Rajab Toyyib Erdo‘g‘on bilan telefon orqali suhbatlashdi. Bu haqda Rossiya prezidentining rasmiy sayti xabar berdi.
Istanbulda 10-dekabr kuni sodir bo‘lib, ko‘p sonli kishilar qurbon bo‘lishiga olib kelgan katta ko‘lamli terakt munosabati bilan Rossiya prezidenti Turkiya rahbariyati va xalqiga yana bir bora chuqur hamdardlik bildirdi, deyiladi xabarda. Yaqin Sharq mintaqasida terrorchilik xavfini neytrallashtirish bo‘yicha faol hamkorlikka tayyorlik tasdiqlandi.
Davlat rahbarlari Suriya muammosi bo‘yicha fikr almashdi. Xususan, Aleppodagi vaziyat rivoji muhokama qilindi. Gumanitar muhitni yaxshilash, Suriyada real siyosiy jarayonni ishga tushirish maqsadlarida hamkorlikni kuchaytirish zarurligi ta’kidlandi.
Shuningdek, Rossiya-Turkiya hamkorligining dolzarb masalalari, shu jumladan energetika sohasidagi hamkorlikka ham to‘xtaldi.
Izoh (0)