AQSh Eronga qarshi sanksiyalarni yana 10 yilga uzaytirdi. Hujjat 15-dekabr, payshanba kunidan kuchga kirdi. Bu haqda “TASS” xabar bermoqda.
AQSh qonunchiligiga ko‘ra, amaldagi prezident Barak Obama oldinroq Kongress tomonidan qabul qilingan Eronga qarshi sanksiyalarni uzaytirish to‘g‘risidagi qonun loyihasini ushbu muddatgacha imzolashi yoki rad etishi kerak edi. Biroq prezident na uni, na buni amalga oshirdi va shu tariqa hujjat o‘z-o‘zidan qonunga aylandi.
Mazkur qonun AQSh prezidentiga Eron tomonidan ballistik raketalar ishlab chiqilishi, terrorchilikning qo‘llab-quvvatlanishi, inson huquqlari buzilishiga aloqador jismoniy va yuridik shaxslarga qarshi sanksiyalar joriy etish huquqini beradi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)