«Республикачилар» партияси номзоди Франсуа Фийон ва «Миллий фронт» етакчиси Марин Ле Пен Франциядаги президентлик сайловларининг биринчи босқичида етакчилик қилади. Агар сайловлар ҳозир бўлиб ўтганда Фийон 26 дан 29 гача, Ле Пен эса 24—25 фоиз атрофида овоз олган бўларди. Ipsos-Sopra Steria томонидан ўтказилган сўров натижалари шундан далолат бермоқда, дея маълум қилди «Ведомости».
Сўров 2—7 декабрь кунлари ўтказилди. Унда 18 мингдан ортиқ киши иштирок этди.
Сўров натижаларига кўра, учинчи ўринга собиқ иқтисодиёт вазири Эммануэль Макрон (13—18% ) ва Сўл партия таъсисчиларидан бири Жан-Люк Меланшон (13—14%) даъвогарлик қилиши кутилмоқда. Собиқ бош вазир Мануэль Вальс 11— 12 фоиз атрофида овоз тўплаши мумкин.
Маълумот учун, Францияда президентлик сайлови келгуси йил апрелида бўлиб ўтади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)