Braziliyada kichik samolyot qulashi tufayli 5 kishi  halok bo‘ldi

Braziliyaning Amazonas shtatidagi Manaus shahri yaqinida kichik samolyot quladi. Bu haqda “TASS” xabar bermoqda.

Havo kemasi bortida 6 kishi bo‘lgan, ulardan 5 nafari halok bo‘ldi. Omon qolgan yagona odam kuchli kuyish jarohatlari bilan kasalxonaga yetkazildi. Uning holati o‘ta og‘ir ekanligi bildirilmoqda. Fojia qurbonlari orasida 4 yoshli bola ham bor.

Manausdan Novu-Aripuanan munitsipalitetiga yo‘l olgan samolyot parvozdan ko‘p o‘tmay qulab tushdi. Yerga urilganidan so‘ng havo kemasi portlab ketgan. Hodisa sabablariga aniqlik kiritilmoqda.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.