Pokistonlik harbiylar 7-dekabr kuni Xayber-Paxtunxva provinsiyasining Abbotobod shahri hududida halokatga uchragan avialayner xarobalari ostidan 46 nafar marhumning jasadlarini chiqarib oldi, deb yozadi “TASS” islom respublikasining Fuqarolik aviatsiyasi boshqarmasiga tayanib.
Muassasa ma’lumotlariga ko‘ra, samolyot bortida bo‘lgan 48 kishining hech biri omon qolmagan.
Pakistan International Airlines aviakompaniyasining PK-661 reysini amalga oshirayotgan samolyot Chitraldan Islomobodga ketish yo‘lida g‘oyib bo‘ldi. Uning bortida 42 yo‘lovchi va 6 ekipaj a’zosi bor edi. Birozdan so‘ng mahalliy politsiya Havoliyon shahri yaqinida samolyot qulaganini ma’lum qildi.
Ma’lumotlarga ko‘ra, halokatga dvigatellardan biridagi nosozliklar sabab bo‘lgan.
Izoh (0)