Isroilda bosh vazir Netanyaxuning haykali ag‘darib tashlandi
Isroilda bir kun avval muallifi tomonidan maxfiy ravishda o‘rnatib ketilgan mamlakat bosh vaziri Binyamin Netanyaxuning tilla suvi yuritilgan haykali ag‘darib tashlandi. Bu haqda TJournal xabar bermoqda.
Haykal Tel-Avivning Rabin maydonida 6-dekabr, seshanba kuni ertalab aniqlandi. Tushga kelib shahar meriyasi haykal o‘rnatilishini ruxsat berilmagan aksiya deb topdi va uni olib tashlashga ko‘rsatma berdi. Bu jarayon paytida haykal atrofiga uning olib tashlanishi tarafdorlari ham, qolishini yoqlovchilar ham to‘plandi.
Haykal muallifi Itay Zeliat yodgorlikni Isroilda so‘z erkinligiga nechog‘li rioya etilayotgani, bunday aksiya biror chora ko‘rilishiga olib kelishi yoki yo‘qligini tekshirib ko‘rish uchun o‘rnatganini ma’lum qildi. Unga ko‘ra, hozir mamlakatda haqiqiy “madaniy urush” ketmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
