Rossiyaning Sankt-Peterburg shahridagi Toyota zavodi ikki navbatda ishlashga o‘tdi. Bu yerda chiqariladigan Camry va RAV4 modellariga bo‘lgan yuksak talab tufayli shunday qaror qabul qilindi, deya xabar beradi “Vedomosti”.
2015-yil oxirida RAV4 modelini chiqarishga tayyorgarlik ko‘rish uchun zavodning ishlab chiqarish quvvati ikki barobar — 50 mingdan 100 ming avtomobilgacha oshirildi. Bunga 9,7 milliard rubl investitsiya kiritildi.
Ma’lumot uchun, Rossiyada Toyota avtomobillari sotuvi 10 oy mobaynida 4 foizga pasayib, 76 070 dona mashinani tashkil etgan bo‘lsa, RAV4 sotuvi hajmi 23 foizga oshdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)