BMW, Daimler, Ford va Volkswagen avtokonsernlarining birgalikda loyihasi yevropalik elektromobil egalariga quvvat olish vaqtini sezilarli darajada qisqartirish va safar qilish masofasini uzaytirish imkoniyatini beradi, deb yozadi “TASS”.
Shunga o‘xshash loyihalar AQShda allaqachon amalga oshirilmoqda, ammo Yevropadagi yangi stansiyalar ulardan zaryadlovchi uskunalar quvvati bo‘yicha o‘zib ketishi kerak.
Eng baquvvat DC Fast Chargers zaryad qurilmalari elektrokar batareyasini 20 daqiqa ichida 80 foizga zaryadlash imkonini beradi. Yevropa bitimi ishtirokchilari esa zaryad qurilmalari quvvatini 7 baravar — 350 kVt gacha oshirmoqchi, bu zaryad olish vaqtini 10 daqiqagacha qisqartiradi.
Quvvati oshirilgan ilk zaryad qurilmalari 2017-yildayoq paydo bo‘ladi; Yevropada 400 ga yaqin stansiya barpo etiladi. 2020-yilga kelib, zaryadlash punktlari soni o‘n mingga yetadi.
Izoh (0)