Volvo 300 yo‘lovchiga mo‘ljallangan dunyodagi eng katta avtobusni tayyorlamoqda

Volvo dunyodagi eng katta avtobusni tayyorlamoqda. Bu haqda Motor xabar berdi. 

Gabarit uzunligi 30 metrga yetadigan Gran Arctic 300 modeli Braziliyaning tezkor avtobus tizimi (BRT) uchun tayyorlanayotgan bo‘lib, mamlakat shaharlaridan birida foydalaniladi.

Yangilik bilan Volvo’ning 1990-yillarda 270 yo‘lovchiga mo‘ljallangan shunga o‘xshash loyihani amalga oshirgan Lotin Amerikasidagi avtobus bo‘linmasi shug‘ullanmoqda. Gran Arctic 300 ham avvalgi loyiha kabi ikki sharli sharnir birikmalarini qo‘llagan holda quriladi, biroq unga endi 300 kishi sig‘ishi mumkin bo‘ladi. 

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.