OPEK va unga a’zo bo‘lmagan davlatlar uchrashuvi 10-dekabr kuni Avstriya poytaxti Venada bo‘lib o‘tadi. Bu haqda kartel bosh kotibi Muhammad Barkindoga tayanib, Bloomberg ma’lum qildi, deya xabar beradi “Vedomosti”.
Bosh kotibga ko‘ra, uchrashuvga OPEK a’zosi bo‘lmagan 14 davlat vakillari taklif etilgan.
OPEK davlatlari 30-noyabrda neft qazib olishni sutkasiga 1,2 million barrelga kamaytirish haqida kelishib olgandi. Kartelga a’zo bo‘lmagan davlatlar bu ko‘rsatkichni sutkasiga 600 ming, Rossiya esa 300 ming barrelga qisqartirishi taxmin qilinmoqda.
Eslatib o‘tamiz, oldinroq OPEK va unga a’zo bo‘lmagan davlatlar uchrashuvi 10-dekabr kuni Moskvada o‘tkazilishi bildirilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)