Xanti-Mansi avtonom okrugi prokuraturasi Yugradagi yo‘l-transport hodisasi ishtirokchilari soniga aniqlik kiritdi. Bu haqda “TASS” xabar bermoqda.
“Jami 34 kishi hodisa ishtirokchisi bo‘lgan, ulardan 12 kishi hayotdan ko‘z yumdi. Okrug kasalxonasida 19 kishi qolmoqda, ulardan 14 nafari bolalar. Uch kishi ambulator davolanishda”, — deya ma’lum qildi prokuratura matbuot xizmati.
4-dekabr kuni okrug hududida, Xanti-Mansiysk–Tyumen trassasining 926-kilometrida avtobus, yuk mashinasi va ikki yengil avtomobil ishtirokida YTH ro‘y berdi. Avtobusda sport akrobatikasi bo‘yicha bolalar jamoasi ishtirokchilari Xanti-Mansiyskdan Nefteyuganskka qaytayotgandi. Avtohalokat qurbonlarining aksariyati bolalar. 5-dekabr okrugda motam kuni deb e’lon qilindi.
Izoh (0)