AQShning Kaliforniya shtati Los-Anjeles shahri metrosini kengaytirish ishlari chog‘ida zamonaviy fillarning taxminan 10 ming yil avval qirilib ketgan ajdodi — mastodontning toshqotgan bosh suyagi, tishi, dandon tishi va boshqa qismlari topildi, deb yozadi TJournal.
Tuproq qaytadan skanerlanganda yana bitta yoshroq mastodontning suyaklari aniqlandi. Bunday topilmalar Los-Anjelesda juda kamyob bo‘lgani sababli, hukumat boshqa shtatlardan mutaxassislarni jalb qildi.
Olimlar ushbu qoldiqlar tegishli bo‘lgan jonivorlar mastodont yoki mamont ekanligini aniqlashi kerak (ular tishlarining tuzilishi jihatidan farqlanadi). Shundan keyin suyaklar Los-Anjeles tabiiy tarix muzeyiga joylanadi.
Izoh (0)