Marhum Tailand qiroli Pxumipon Adulyadetning (Rama IX) yagona merosxo‘ri va valiahdi Maxa Vachiralongkorn 1-dekabr kuni Tailand hukmdori bo‘lish taklifini qabul qildi va taxtga chiqdi. Bu haqda “TASS” xabar bermoqda.
Tailand televideniyesida namoyish etilgan audiyensiya chog‘ida parlament raisi Pompet Vichitchonchay valiahdga taxtga chiqish taklifini berdi uning roziligini oldi. Shu tariqa, hukumat va parlament tomonidan rasman 29-noyabr kuni boshlangan valiahdni taxtga chiqarish jarayoni yakuniga yetdi.
Saroydagi uchrashuvda, shuningdek, bosh vazir Prayut Chan-Ocha, mamlakatning muvaqqat rahbari Prem Tinsulanon va Oliy sud raisi ishtirok etdi.
Yangi qirol taxtga chiqqanidan so‘ng Rama X Maxa Vachiralongkorn Bodintxaratxeppxayavarangkun nomini oldi. U otasining vafotidan 50 kun o‘tib taxtni egalladi.
Izoh (0)