Turkiya prezidenti Rajab Toyyib Erdo‘g‘on Vladimir Putin bilan suhbat chog‘ida Turkiyaning Suriyada o‘tkazayotgan harbiy operatsiyasi maqsadi haqidagi bayonotiga izoh berdi. Bu haqda Rossiya prezidentining yordamchisi Yuriy Ushakov ma’lum qildi, deya xabar beradi “Vedomosti”.
“Kecha prezidentimizning Erdo‘g‘on bilan telefon orqali muloqoti bo‘lib o‘tdi va unda ushbu mavzuga ham to‘xtalindi. Erdo‘g‘on bayonotiga tegishli tushuntirish berdi”, — deya ta’kidladi Ushakov va bunga qo‘shimcha izoh berishdan bosh tortdi.
Eslatib o‘tamiz, Rossiya prezidentining matbuot kotibi Dmitriy Peskov Turkiya rahbari Rajab Toyyib Erdo‘g‘onning Suriyada Bashar Asad tuzumini yiqitish niyati haqidagi so‘zlari Kreml uchun yangilik bo‘lganini ma’lum qilgandi.
Turkiya prezidenti 29-noyabr, seshanba kuni Istanbulda, Quddusdagi musulmonlar muammolari bo‘yicha simpoziumdagi chiqishida Suriyada olib borilayotgan “Frot qalqoni” operatsiyasidan maqsad Asad hukumatini ag‘darishdan iborat ekanligini bildirdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)