1-dekabr, payshanba kuni AQShda federal jinoiy-protsessual huquqqa 41-modda ko‘rinishida kiritilgan tuzatish kuchga kiradi, deb yozadi TJournal. Unga ko‘ra sudlar Federal qidiruv byurosiga nafaqat o‘z yurisdiksiyasida, balki har qanday yurisdiksiyada kompyuterlarga buzib kirish uchun orderlar berishi mumkin.
Yarim yil davomida demokrat senatorlardan biri — Ron Vayden tuzatish qabul qilinishiga uch marta to‘sqinlik qilishga urindi, ammo bu ish bermadi: uning urinishlari boshqa nufuzli respublikachi senator — Jon Kornin tomonidan bloklab qo‘yildi.
Vayden tuzatishni “yillar bo‘yi kuzatuvdan foydalanish siyosatidagi eng katta xatolardan biri” deb atadi. U tuzatishning qabul qilinishi respublikachi prezident Donald Tramp qo‘lida ayniqsa xavfli omilga aylanishidan xavfsiradi, axir Tramp Rossiya kabi o‘z muxoliflariga xakerlik hujumlarini uyushtirish niyati haqida ochiqdan-ochiq e’lon qilgan edi.
Yangi kiritilgan tuzatish FQBga AQShning har qanday sudiga murojaat qilish orqali dunyoning har qanday nuqtasidagi istalgan kompyuterga buzib kirish uchun rasmiy ruxsatnoma olish imkonini beradi.
Izoh (0)