Kolumbiya fuqaro aviatsiyasi boshqarmasi 29-noyabrga o‘tar kechasi qulagan CP2933 borti yo‘lovchilari ro‘yxatini e’lon qildi, deya xabar bermoqda Meduza.
Samolyot futbol bo‘yicha Janubiy Amerika kubogi final bahsiga yo‘l olgan Braziliyaning “Shapekoense” klubi tomonidan ijaraga olingan edi.
Samolyot bortida 22 nafar futbolchi, klubning 28 nafar xodimi bo‘lgan. Sportchilar bilan birgalikda 22 nafar jurnalist ham Medelinga parvoz qilgan.
Samolyot ekipaji to‘qqiz kishidan iborat bo‘lgan.
Xabar berishlaricha, aviahalokat joyidagi qidiruv-qutqaruv ishlari kuchli yomg‘ir sabab vaqtincha to‘xtatilgan.
Layner Kolumbiyaning La-Union shahri yaqinida qulagan, yer bilan to‘qnashish oqibatida ikkiga bo‘linib ketgan. Uchuvchilar qulashdan avval elektr uskunalardagi nosozlik haqida axborot berishga ulgurgan.
Dastlabki ma’lumotlarga ko‘ra, aviahalokat oqibatida kamida 25 kishi halok bo‘lgan. OAVning qutqaruvchilarga asoslanib xabar berishicha, 13 kishi, xususan, uch nafar futbolchi omon qolgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)