Kashmirda Hindiston tomonidan avtobusning o‘qqa tutilishi oqibatida 11 kishi halok bo‘ldi. Bu haqda, Associated Press agentligiga tayanib, “TASS” xabar bermoqda.
Xabarda qayd etilishicha, Pokiston qurolli kuchlari javob o‘qini uzdi. Hindiston hukumati mazkur hodisaga hozircha hech qanday izoh bermadi.
Oxirgi kunlarda Kashmir hududida ikki davlatning munosabatlari keskinlashib ketdi. Kashmirdagi vaziyat 18-sentabr kuni chegaradagi hind harbiylariga terrorchilar hujum qilib, 19 kishini o‘ldirganidan so‘ng murakkablashdi.
Hindiston tomoni bunda Pokistonni aybladi. Mazkur hodisadan so‘ng Kashmirdagi Hindiston va Pokistonni ajratib turuvchi nazorat chizig‘ida bir necha bor otishmalar yuz bergandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)