AQSh hukumati IShID terrorchilik tashkilotining uch nafar boshlig‘iga qarshi sanksiyalar kiritdi, deya xabar bermoqda “Korrespondent.net” Davlat departamenti saytiga tayanib.
Sanksiya ro‘yxatiga Abdulla Ahmad al-Mashadoniy, Basil Hasan va Abdelil Himich kirdi.
Davlat departamenti qayd etishicha, Abdulla Ahmad al-Mashadoniy chet ellik jangarilar, shu jumladan, xudkushlarni IShID saflariga jo‘natish va joylashtirish bilan shug‘ullanadi. Dastlabki ma’lumotlarga ko‘ra, u shuningdek, IShID boshlig‘i Abu Bakr al-Bag‘dodiyning maslahatchisi hamdir.
Basil Hasan 2013-yilda daniyalik jurnalistni qatl qilganlikda ayblanmoqda. 2014-yilda terrorchi Turkiyada qo‘lga olingan, ammo keyinroq uni IShID qo‘lidagi 49 nafar asirga ayirboshlashgan edi.
Abdelil Himich esa IShIDning “tashqi operatsiyalari”ni boshqaradi. U 2015-yilda Yevropada “Tariq ibn Ziyod” terrorchilik tarmog‘ini yaratgan edi. U 2015-yil noyabrida Parijda, shu yil martida esa Bryusselda bo‘lib o‘tgan teraktlarga aloqador bo‘lishi mumkin.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)