Suriyadagi mojaro davomida 1000 dan ortiq eronlik harbiy xizmatchi halok bo‘ldi. Bu haqda Eron jangovar harakatlar faxriylari tashkiloti rahbari Muhammad Ali Shohidiy Maxalatiy ma’lum qildi, deya xabar beradi “TASS”.
“Suriya hududida jangovar harakatlar davomida halok bo‘lgan hamyurtlarimiz soni mingdan oshib ketdi”, — deya ta’kidladi Maxalatiy. Faxriylar tashkiloti rahbari bu raqamlarni Eron xalq ko‘ngillilari oldidagi chiqishi chog‘ida keltirgan.
Ma’lumot uchun, Eron Suriyadagi mojaroda rasmiy Damashq tarafida ishtirok etadi. Shu paytgacha Tehron Suriyada halok bo‘lgan fuqarolari to‘g‘risida hech qanday ma’lumot bermagandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)