Rossiya va AQSh tashqi siyosiy mahkamalari rahbarlari Sergey Lavrov va Jon Kerri telefon orqali muloqot chog‘ida Suriyadagi mojaroni bartaraf etish yo‘llarini muhokama qildi. Bu haqda Rossiya TIV saytida ma’lum qilindi, deya xabar beradi “RBK”.
“Muloqot chog‘ida BMT Xavfsizlik kengashining oldindan qo‘yiladigan shartlarsiz Suriyadagi tomonlar o‘rtasida muzokaralarni boshlash talabi, shuningdek, ‘Jabhat an-Nusra’ jangarilari yetakchilik qilayotgan noqonuniy qurolli tuzilmalar o‘rnashib olgan sharqiy Aleppoda vaziyatni izga solish bo‘yicha vazifaning bajarilishi ko‘rib chiqildi”, — deyiladi Rossiya TIV xabarida.
Lavrov va Kerri Yaman, Ukraina va Yaqin Sharqdagi vaziyatni ham muhokama qilgani bildirilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)