Britaniya rasmiylari Bukingem saroyini 2017-yilning aprelidan boshlab kapital ta’mirlash rejasini ma’lum qildi. Bu haqda “Vedomosti” xabar bermoqda.
Restavratsiya 10 yil davomida bosqichma-bosqich o‘tkaziladi va budjetga 369 million funtga (salkam 460 million dollar) tushadi. Monarxiya bekor qilinishi tarafdori bo‘lgan britaniyalik faollar mamlakatda ko‘plab muhim sohalarda tanglik yuzaga kelgan va xarajatlarni qisqartirish siyosati amalda bo‘lgan paytda saroyni soliq to‘lovchilar hisobidan kapital ta’mirlanishini tanqid qilib chiqdi.
“Qirollik oilasi Bukingem saroyidagi ta’mir tufayli o‘zimizni yanada cheklashimizni istaydi. Vaholanki, ularning boyligini baholash ham mushkul”, — deyiladi faollar tomonidan tarqatilgan petitsiyada.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)