Кашмирда Ҳиндистон томонидан автобуснинг ўққа тутилиши оқибатида 11 киши ҳалок бўлди. Бу ҳақда, Associated Press агентлигига таяниб, «ТАСС» хабар бермоқда.
Хабарда қайд этилишича, Покистон қуролли кучлари жавоб ўқини узди. Ҳиндистон ҳукумати мазкур ҳодисага ҳозирча ҳеч қандай изоҳ бермади.
Охирги кунларда Кашмир ҳудудида икки давлатнинг муносабатлари кескинлашиб кетди. Кашмирдаги вазият 18 сентябрь куни чегарадаги ҳинд ҳарбийларига террорчилар ҳужум қилиб, 19 кишини ўлдирганидан сўнг мураккаблашди.
Ҳиндистон томони бунда Покистонни айблади. Мазкур ҳодисадан сўнг Кашмирдаги Ҳиндистон ва Покистонни ажратиб турувчи назорат чизиғида бир неча бор отишмалар юз берганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)