Shanxay hamkorlik tashkiloti BMT va uning tuzilmalari bilan munosabatlarni yanada chuqurlashtirishga alohida ahamiyat beradi. Bu haqda BMT Bosh assambleyasida chiqish qilgan ShHT bosh kotibi Rashid Alimov ma’lum qildi, deya xabar beradi “TASS”.
“BMTning mintaqaviy tashkilotlar bilan samarali aloqalarni mustahkamlashi va rivojlantirishi nafaqat mazkur tashkilotlar, balki BMTni ham sezilarli darajada kuchaytiradi. ShHT asos solinganidan beri BMT global xavfsizlikni qo‘llab-quvvatlash, davlatlararo va xalqaro muammolarni hal etishdagi yetakchi tizim bo‘lgani va shunday bo‘lib qolishini e’tirof etgandi. Tashkilotimiz uning xalqaro masalalardagi markaziy, muvofiqlashtiruvchi roli mustahkamlanishi tarafdori”, — deya ta’kidladi Rashid Alimov.
Eslatib o‘tamiz, BMT Bosh assambleyasi 21-noyabr, dushanba kuni Kollektiv xavfsizlik shartnomasi tashkiloti (KXShT), Mustaqil Davlatlar Hamdo‘stligi (MDH) va Shanxay hamkorlik tashkiloti (ShHT) bilan hamkorlikni chuqurlashtirishga qaratilgan rezolyutsiyalarni qabul qildi. Har uchala hujjat ovoz berishsiz ma’qullandi.
Izoh (0)