Oslo universitetining tilshunos professori Rolf Teyl dunyodagi eng g‘ayrioddiy til piraxa tili ekanligini ma’lum qildi. Undan Amazoniyada yashaydigan ovchi va termachilik bilan shug‘ullanuvchi piraxa xalqi foydalanadi. Bu haqda ScienceNordic nashri xabar berdi.
Teylning so‘zlariga ko‘ra, piraxa tili eng ohangdor tillardan biri hisoblanadi, unda ma’noni farqlash uchun tovush balandligidan foydalaniladi. Masalan, “do‘st” va “dushman” so‘zlari bir xil yoziladi, ammo turlicha aytiladi. Bundan tashqari, tilda hushtak va kuy ham ishlatiladi. Piraxa tilida bor-yo‘g‘i uchta unli va sakkizda undosh harflar mavjud.
Ushbu tilda son hamda rangni ifodalovchi so‘zlar deyarli yo‘q. Miqdor “bir nechta”, “yanada ko‘proq” yoki “ko‘p” kabi uchta so‘z yordamida ifodalanadi. Rangni esa ushbu rangdagi buyum bilan atashadi. Shuningdek, fe’llarning zamon shakllari mavjud emas.
Izoh (0)