Turkiya hukumati fitna tekshiruvi bo‘yicha 15 mingga yaqin kishini ishdan bo‘shatdi

Turkiya hukumati 15-iyul kungi davlat to‘ntarishiga aloqadorlikda gumonlanib, yana 15 mingga yaqin qurolli kuchlar ofitserlari va davlat xizmatchilari ishdan haydalgani, shuningdek, 500 dan ortiq tashkilotlar va ommaviy axborot vositalari yopilganini ma’lum qildi. Bu haqda Reuters agentligi rasmiy dekretga tayanib xabar qildi, deb yozadi “TASS”.

Ishdan bo‘shatilganlar orasida 1988 nafar harbiy, 7586 politsiyachi, 403 jandarm va 5000 dan ziyod xizmatchi fuqarolar bor. Shu tariqa, Turkiyada davlat to‘ntarishiga urinishdan buyon davlat xizmatidan haydalganlarning umumiy soni 110 ming kishiga yetdi.

Dekret 550 dan ortiq tashkilotlar yopilishini ham nazarda tutadi, ular orasida 18 ta xayriya tashkilotlari, shuningdek, to‘qqizta OAVlar bor.