Шанхай ҳамкорлик ташкилоти БМТ ва унинг тузилмалари билан муносабатларни янада чуқурлаштиришга алоҳида аҳамият беради. Бу ҳақда БМТ Бош ассамблеясида чиқиш қилган ШҲТ бош котиби Рашид Алимов маълум қилди, дея хабар беради «ТАСС».
«БМТнинг минтақавий ташкилотлар билан самарали алоқаларни мустаҳкамлаши ва ривожлантириши нафақат мазкур ташкилотлар, балки БМТни ҳам сезиларли даражада кучайтиради. ШҲТ асос солинганидан бери БМТ глобал хавфсизликни қўллаб-қувватлаш, давлатлараро ва халқаро муаммоларни ҳал этишдаги етакчи тизим бўлгани ва шундай бўлиб қолишини эътироф этганди. Ташкилотимиз унинг халқаро масалалардаги марказий, мувофиқлаштирувчи роли мустаҳкамланиши тарафдори», — дея таъкидлади Рашид Алимов.
Эслатиб ўтамиз, БМТ Бош ассамблеяси 21 ноябрь, душанба куни Коллектив хавфсизлик шартномаси ташкилоти (КХШТ), Мустақил Давлатлар Ҳамдўстлиги (МДҲ) ва Шанхай ҳамкорлик ташкилоти (ШҲТ) билан ҳамкорликни чуқурлаштиришга қаратилган резолюцияларни қабул қилди. Ҳар учала ҳужжат овоз беришсиз маъқулланди.
Изоҳ (0)