Boliviya hukumati qurg‘oqchilik tufayli butun mamlakatda favqulodda holat e’lon qilish to‘g‘risida qaror qabul qildi. Bu haqda respublika prezidenti Evo Morales ma’lum qildi, deya xabar bermoqda “TASS”.
“Vazirlar mahkamasi bilan birgalikda qator mintaqalarda iqlim sharoitidan kelib chiqqan qurg‘oqchilik va suv yetishmasligi tufayli butun mamlakat bo‘ylab favqulodda holatni joriy etuvchi dekret qabul qildik. Vazirliklar eng ko‘p aziyat chekayotgan hududlar, jumladan, eng yirik shaharlarimizdan biri bo‘lgan La-Pasda suv sisternalarini joylashtirish va quduqlar kavlatish haqida ko‘rsatma oldi. Yaqin orada o‘zim ko‘llarning holatiga baho berish va muammoga yechim topish uchun mamlakatni samolyotda aylanib chiqaman”, — deya ta’kidladi Morales.
Prezidentga ko‘ra, Boliviya 100 yil mobaynidagi eng kuchli qurg‘oqchilikka duch keldi. Iyun oyidan beri bundan jabr chekkan 125 ming oila yordam so‘rab, rasmiylarga murojaat etgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)