Боливия ҳукумати қурғоқчилик туфайли бутун мамлакатда фавқулодда ҳолат эълон қилиш тўғрисида қарор қабул қилди. Бу ҳақда республика президенти Эво Моралес маълум қилди, дея хабар бермоқда «ТАСС».
«Вазирлар маҳкамаси билан биргаликда қатор минтақаларда иқлим шароитидан келиб чиққан қурғоқчилик ва сув етишмаслиги туфайли бутун мамлакат бўйлаб фавқулодда ҳолатни жорий этувчи декрет қабул қилдик. Вазирликлар энг кўп азият чекаётган ҳудудлар, жумладан, энг йирик шаҳарларимиздан бири бўлган Ла-Пасда сув цистерналарини жойлаштириш ва қудуқлар кавлатиш ҳақида кўрсатма олди. Яқин орада ўзим кўлларнинг ҳолатига баҳо бериш ва муаммога ечим топиш учун мамлакатни самолётда айланиб чиқаман», — дея таъкидлади Моралес.
Президентга кўра, Боливия 100 йил мобайнидаги энг кучли қурғоқчиликка дуч келди. Июнь ойидан бери бундан жабр чеккан 125 минг оила ёрдам сўраб, расмийларга мурожаат этган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)