Hindiston shimolidagi Uttar-Pradesh shtatida tezyurar poyezd halokatga uchragan joyda ishlayotgan qutqaruvchilar xarobalar ostidan 133 ta jasadni chiqarib oldi, deya xabar bermoqda “TASS”.
Press Trust of India agentligi yozishicha, qutqaruvchilar halokat hududida o‘z ishini yakunlamoqda.
“133 nafar qurbonning jasadi topildi, ularning 110 nafarining shaxsi aniqlandi”, — dedi mahalliy hukumat vakili.
97 ta murda diniy marosimlar bo‘yicha dafn etish uchun qarindoshlariga topshirildi. Jarohatlanganlar soni 226 kishini tashkil etdi, ulardan 76 nafari jiddiy shikastlanishlar olgan.
Avvalroq Hindiston shimolidagi Uttar-Pradesh shtatida tezyurar poyezd halokatiga relsdagi nuqson sabab bo‘lgani xabar berilgan edi.
2 ming kishini olib ketayotgan 23 vagondan iborat Indor—Patna tezyurar poyezdi Kanpur shahridan 100 km masofada Puxrayan stansiyasi hududida 20-noyabr kuni Toshkent vaqti bilan 02:30 halokatga uchradi.
Izoh (0)