AQSh Trans-Tinch okeani sherikligidan chiqmoqchi. Bu haqda yangi saylangan prezident Donald Tramp ma’lum qildi, deb yozadi “Interfaks”.
“Savdoga keladigan bo‘lsak, men bizning mamlakatimiz uchun potensial halokatli bo‘lgan Trans-Tinch okeani sherikligidan chiqish niyatimiz haqida bildirishnoma yubormoqchiman”, — dedi u o‘tish jamoasi tomonidan tarqatilgan videomurojaatda.
Tramp so‘zlariga ko‘ra, “buning o‘rniga biz Amerika qirg‘oqlariga ish o‘rinlari va sanoatni qaytaradigan adolatli ikki tomonlama savdo bitimlari haqida kelishamiz”.
Trans-Tinch okeani sherikligi erkin savdo hududlarini yaratishni ko‘zda tutadi, uni yaratish tashabbusi Barak Obama davrida AQSh tomonidan bo‘lgan. 2016-yil fevralida bitimni mintaqaning 12 ta davlati, jumladan AQSh va Yaponiya imzolagan edi.
Izoh (0)