AQSh prezidentligiga Demokratik partiyadan nomzod Hillari Klinton o‘z raqibi, endilikda AQShning yangi saylangan prezidenti Donald Trampni 1 millionta saylovchilar ovozi bilan ortda qoldirdi, deb yozadi “Gazeta.ru”.
Saylovchilar ovozlarining dastlabki hisob-kitoblariga ko‘ra, Klinton 61 963 234 ta, Tramp esa 60 961 185 ta ovoz to‘plagan. Yuta, Kaliforniya va Vashingtonda ovozlarni hisoblash davom etmoqda. Michigan shtatida ham ovoz berish yakunlari e’lon qilingani yo‘q.
Aholi u yoki bu nomzodni qo‘llab-quvvatlaydigan saylov vakiliga ovoz beradigan bilvosita saylov tizimi sharofati bilan prezidentlik poygasida g‘alabani Tramp qo‘lga kiritdi. Yangi saylangan prezidentning o‘zi ham ushbu tizimni xato va nuqsonli deb hisoblashini yashirmaydi.
Izoh (0)