АҚШ президентлигига Демократик партиядан номзод Ҳиллари Клинтон ўз рақиби, эндиликда АҚШнинг янги сайланган президенти Дональд Трампни 1 миллионта сайловчилар овози билан ортда қолдирди, деб ёзади «Газета.ru».
Сайловчилар овозларининг дастлабки ҳисоб-китобларига кўра, Клинтон 61 963 234 та, Трамп эса 60 961 185 та овоз тўплаган. Юта, Калифорния ва Вашингтонда овозларни ҳисоблаш давом этмоқда. Мичиган штатида ҳам овоз бериш якунлари эълон қилингани йўқ.
Аҳоли у ёки бу номзодни қўллаб-қувватлайдиган сайлов вакилига овоз берадиган билвосита сайлов тизими шарофати билан президентлик пойгасида ғалабани Трамп қўлга киритди. Янги сайланган президентнинг ўзи ҳам ушбу тизимни хато ва нуқсонли деб ҳисоблашини яширмайди.
Изоҳ (0)