Misr kassatsiya sudi 15-noyabr, seshanba kuni mamlakatning sobiq prezidenti Muhammad Mursiy va “Musulmon birodarlar” uyushmasining qator rahbarlarini qamoqxonadan qochish, ommaviy tartibsizliklarda ishtirok etish bo‘yicha jinoiy ish yuzasidan chiqarilgan o‘lim hukmiga apellyatsiyasini qondirdi. Bu haqda “TASS” xabar bermoqda.
Oliy instansiya sudi hukmni bekor qilish va ishni qayta ko‘rib chiqishga yuborish haqida qaror qabul qildi.
O‘tgan yili chiqarilgan hukm yuzasidan shikoyat o‘lim yoki umrbod qamoq jazosi berilgan 27 nafar mahbus tomonidan taqdim etilgandi. Oktabr oyida Misr kassatsiya sudi prokuraturasi Mursiy va uning safdoshlariga chiqarilgan hukmni bekor qilishni tavsiya etdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)