2 million dollar pora bilan hibsga olingan Rossiya iqtisodiy rivojlanish vaziri Aleksey Ulyukayevga 15 yilgacha qamoq jazosi berilishi mumkin. Bu haqda “Gazeta.ru” xabar bermoqda.
Rossiya Tergov qo‘mitasi vakili Svetlana Petrenkoga ko‘ra, Ulyukayevga nisbatan Rossiya Jinoyat kodeksining 290-moddasi, 6-bandi (“O‘ta yirik miqdorda pora olish”) bilan jinoiy ish qo‘zg‘atilgan.
Mazkur modda bilan pora miqdorining 80 dan 100 barobarigacha jarima va 15 yilgacha ma’lum lavozimlarni egallash huquqidan mahrum etilishi yoki 8 yildan 15 yilgacha ozodlikdan mahrum etish va pora miqdorining 70 barobarigacha jarima ( yoki busiz ) jazolari ko‘zda tutilgan.
Tergov qo‘mitasi vakili tergov sudda vazirga nisbatan qanday ehtiyot chorasi qo‘llanishiga erishishiga aniqlik kiritmadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)