Dugonasi sababli tanqid ostida qolgan Janubiy Koreya prezidenti Pak Kin Xe iste’fosini talab qilib 12-noyabr, seshanba kuni 10 minglab odam Seulning markaziy maydoniga yig‘ildi. Bu haqda “TASS” xabar bermoqda.
Politsiya namoyishda 170 ming kishi ishtirok etishini kutmoqda. Tashkilotchilar esa millionga yaqin fuqaroni to‘plashlari mumkinligini da’vo qilmoqda. Aksiya o‘tkaziladigan joyni 25 ming politsiyachi qo‘riqlamoqda.
Namoyishda mamlakat kasaba uyushmalari, talabalar tashkilotlari, muxolifatdagi partiyalar a’zolari, kelgusi prezidentlik saylovlarining ehtimoliy nomzodlari, jumladan, Seul meri Pak Von Sun qatnashmoqda. Hozircha miting tinch o‘tmoqda, ishtirokchilar safi esa kengayib bormoqda.
Janubiy Koreya prezidentini qo‘llab-quvvatlash darajasi rekord darajadagi past ko‘rsatkich — 5 foizga tushib qoldi. Fuqarolarning 90 foizi uning faoliyatidan norozi ekanligi bildirilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)