Airbus A-319 yo‘lovchi samolyoti Moskvaning “Domodedovo” aeroportida qor tozalovchi mashina bilan to‘qnashuvdan so‘ng shikastlanish oldi. Bu haqda aviadispetcherlik xizmatlaridagi manbaga tayanib, “RBK” xabar bermoqda.
Hodisa 11-noyabr, juma kuni kechki payt havo kemasi yo‘lovchilarni chiqarish uchun terminalga yetkazilayotganda sodir bo‘ldi. Samolyotni olib ketayotgan shatakchi mashina qor tozalovchi mashina bilan to‘qnashdi. Buning natijasida laynerning shassi ustuni shikastlandi.
Ufaga uchishi lozim bo‘lgan Airbus parvozdan chetlatildi, yo‘lovchilar zaxira samolyoti bilan uchirildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)