O‘zbekiston Vazirlar Mahkamasi “Surxondaryo viloyatida qishloq xo‘jaligi ekin maydonlari tarkibini takomillashtirish chora-tadbirlari to‘g‘risida” qaror (pdf) qabul qildi, deb yozadi UzDaily.
Hujjat mintaqaning tuproq-iqlim sharoitlarini hisobga olgan holda qishloq xo‘jaligi ekinlarini oqilona joylashtirishni ta’minlash, qishloq xo‘jaligi ekin maydonlari tarkibini takomillashtirish hisobiga yer-suv resurslaridan samarali foydalanish, fermer xo‘jaliklarining iqtisodiy va moliyaviy barqarorligini oshirish, Surxondaryo viloyatining eksport salohiyatini kengaytirish maqsadida qabul qilindi.
Hukumat hujjatda Surxondaryo viloyatida qishloq xo‘jaligi ekin maydonlarini optimallashtirishga qaror qildi.
Qarorda ta’kidlanishicha, mintaqa paxta yetishtirish uchun ajratilgan maydonlarni 2016-yildagi 117,1 ming gektardan 2019-yilda 90,3 ming gektargacha qisqartiradi. Boshoqli ekinlarni ekish uchun ajratilgan ekin maydonlari hisobot davrida 98 ming gektardan 93 ming gektargacha qisqartiriladi.
Shu bilan birga, ushbu hududda kartoshka (2,1 ming gektarga), sabzavotlar (17,7 ming gektarga), mevalar (4,4 ming gektarga), yem-xashak ekinlari (4,1 ming gektarga), moy beradigan o‘simliklar (2,2 ming gektar) va boshqa ekinlar (1,3 ming gektarga)ni yetishtirish uchun ajratilgan maydonlar kengaytiriladi.
Natijada viloyat 2019-yilga kelib, paxta xomashyosini yetishtirishni 264 ming tonnagacha kamaytiradi (-64,8 ming tonna) va boshoqli ekinlar ishlab chiqarishni 474 ming tonna, kartoshkani — 118 ming tonna, sabzavotlarni 890 ming tonna, mevalarni 172 ming tonnagacha ko‘paytiradi.
Izoh (0)