“O‘zbekiston havo yo‘llari” milliy aviakompaniyasi 2017-yildan Toshkent—Nyu-York yo‘nalishi bo‘yicha reyslarni Boeing-787 Dreamliner samolyotlarida amalga oshirishni rejalashtirmoqda. Bu haqda milliy aviakompaniya bosh direktori Valeriy Tyanga tayanib, UzDaily xabar berdi.
Valeriy Tyan ta’kidlashicha, aviakompaniya ushbu reyslarni yozgi jadvaldan Boeing787 Dreamliner samolyotlarida amalga oshira boshlaydi.
“O‘zbekiston havo yo‘llari” MAKning yozgi jadvali mart oxiridan oktabrga qadar amal qiladi.
Eslatib o‘tamiz, 5-noyabr kuni “Toshkent” xalqaro aeroportiga “O‘zbekiston havo yo‘llari” milliy aviakompaniyasi tomonidan xarid qilingan ikkinchi Boeing-787 Dreamliner samolyoti yetib keldi. Birinchi Dreamliner Toshkentga 31-avgust kuni yetib kelgan edi.
Bundan tashqari, milliy aviakompaniya yana uchta Boeing Dreamliner xarid qilishi ma’lum bo‘ldi.
Izoh (0)