Ўзбекистон Вазирлар Маҳкамаси «Сурхондарё вилоятида қишлоқ хўжалиги экин майдонлари таркибини такомиллаштириш чора-тадбирлари тўғрисида» қарор (pdf) қабул қилди, деб ёзади UzDaily.
Ҳужжат минтақанинг тупроқ-иқлим шароитларини ҳисобга олган ҳолда қишлоқ хўжалиги экинларини оқилона жойлаштиришни таъминлаш, қишлоқ хўжалиги экин майдонлари таркибини такомиллаштириш ҳисобига ер-сув ресурсларидан самарали фойдаланиш, фермер хўжаликларининг иқтисодий ва молиявий барқарорлигини ошириш, Сурхондарё вилоятининг экспорт салоҳиятини кенгайтириш мақсадида қабул қилинди.
Ҳукумат ҳужжатда Сурхондарё вилоятида қишлоқ хўжалиги экин майдонларини оптималлаштиришга қарор қилди.
Қарорда таъкидланишича, минтақа пахта етиштириш учун ажратилган майдонларни 2016 йилдаги 117,1 минг гектардан 2019 йилда 90,3 минг гектаргача қисқартиради. Бошоқли экинларни экиш учун ажратилган экин майдонлари ҳисобот даврида 98 минг гектардан 93 минг гектаргача қисқартирилади.
Шу билан бирга, ушбу ҳудудда картошка (2,1 минг гектарга), сабзавотлар (17,7 минг гектарга), мевалар (4,4 минг гектарга), ем-хашак экинлари (4,1 минг гектарга), мой берадиган ўсимликлар (2,2 минг гектар) ва бошқа экинлар (1,3 минг гектарга)ни етиштириш учун ажратилган майдонлар кенгайтирилади.
Натижада вилоят 2019 йилга келиб, пахта хом ашёсини етиштиришни 264 минг тоннагача камайтиради (-64,8 минг тонна) ва бошоқли экинлар ишлаб чиқаришни 474 минг тонна, картошкани — 118 минг тонна, сабзавотларни 890 минг тонна, меваларни 172 минг тоннагача кўпайтиради.
Изоҳ (0)