Katta pandalar tabiatda 20 yilgacha yashaydi, tutqunlikda esa 25 yilgacha yashashi mumkin. Shu sababli ham 38 yoshli Szya Szya haqiqiy uzoq umr ko‘rish bo‘yicha haqiqiy rekordchi edi, deb yozadi National Geographic.
U 1978-yili Xitoyning Sichuan viloyatida tug‘ilgan, 1999-yili esa Gonkongdagi Ocean Park ko‘ngilochar bog‘iga topshirilgan edi.
Park xodimlarining so‘zlariga ko‘ra, so‘nggi ikki hafta davomida pandaning ahvoli yomonlashgan edi. U qariyb ovqatlanmay qo‘ygan (kunlik odatiy 10 kilogramm yegulik o‘rniga 3 kilogramm ovqatni zo‘rg‘a tanovul qilgan) va vazn yo‘qotishni boshlagan.
16-oktabr, yakshanba kuni Szya Szya qimirlashdan to‘xtadi va faqat yotdi. Park veterinarlari jonivor ortiqcha azoblanmasligi uchun, uni zaharlab o‘ldirishga qaror qildi.
Ocean Park bog‘ida olingan quyidagi videoda Szya Szya o‘zining 37 yoshga to‘lganini nishonlayotganiga guvoh bo‘lish mumkin:
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)