Катта пандалар табиатда 20 йилгача яшайди, тутқунликда эса 25 йилгача яшаши мумкин. Шу сабабли ҳам 38 ёшли Сзя Сзя ҳақиқий узоқ умр кўриш бўйича ҳақиқий рекордчи эди, деб ёзади National Geographic.
У 1978 йили Хитойнинг Сичуан вилоятида туғилган, 1999 йили эса Гонконгдаги Ocean Park кўнгилочар боғига топширилган эди.
Парк ходимларининг сўзларига кўра, сўнгги икки ҳафта давомида панданинг аҳволи ёмонлашган эди. У қарийб овқатланмай қўйган (кунлик одатий 10 килограмм егулик ўрнига 3 килограмм овқатни зўрға тановул қилган) ва вазн йўқотишни бошлаган.
16 октябрь, якшанба куни Сзя Сзя қимирлашдан тўхтади ва фақат ётди. Парк ветеринарлари жонивор ортиқча азобланмаслиги учун, уни заҳарлаб ўлдиришга қарор қилди.
Ocean Park боғида олинган қуйидаги видеода Сзя Сзя ўзининг 37 ёшга тўлганини нишонлаётганига гувоҳ бўлиш мумкин:
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)