Bavariyaning 43 yoshli fuqarosi 13 yoshidan buyon uydan chiqmagan, deb yozadi “Vesti.ru”. Uni ozod etgan politsiya xodimlari so‘zlariga ko‘ra, uni ota-onasi uydan chiqarmay olib o‘tirgan.
Ular, o‘z navbatida, o‘g‘illarining o‘zi uydan chiqishni istamaganini ta’kidlamoqda. Erkakning onasi qayd etishicha, bolaligida tengdoshlari uni qattiq masxara qilgani tufayli, u o‘z uyidan chiqishga qo‘rqqan.
Politsiya vakillariga ko‘ra, ota-onasi o‘z farzandining ko‘chaga chiqishini haqiqatan ham taqiqlab qo‘ygan-qo‘ymagani hozircha tergov tomonidan aniqlangani yo‘q. Shunday bo‘lsa-da, baribir ularga nisbatan jismoniy jarohatlar yetkazish va noqonuniy ravishda ozodlikdan mahrum etish ayblovlari e’lon qilindi.
Izoh (0)