Isroilning Sderot shahrida G‘azo sektoridan yo‘llangan raketa portladi

Isroilning Sderot shahrida 5-oktabr, chorshanba kuni G‘azo sektoridan yo‘llangan raketa portladi. Bu haqda Isroil mudofaa armiyasi rasmiy vakili Piter Lerner ma’lum qildi, deya xabar beradi “TASS”. 

“G‘azo sektoridan uchirilgan raketa Sderot shahri yo‘lida portladi”, — deyiladi rasmiy vakil tomonidan tarqatilgan kommyunikeda. 

Jerusalem Post nashri o‘qqa tutish tufayli jabrlanganlar haqida ma’lumot berilmagani, biroq shahar infratuzilmasi zarar ko‘rganini bildirdi. 

G‘azo sektoridagi hech bir guruh mazkur hodisa uchun javobgarlikni hozircha zimmasiga olmadi.