Checheniston rahbari etib saylangan Ramzan Qodirovning inauguratsiya marosimi u 40 yoshga to‘lgan kuni bo‘lib o‘tadi. Bu haqda “Vedomosti” xabar bermoqda.
“Qodirov 5-oktabr, chorshanba kuni rasman lavozimini egallaydi. Inauguratsiya marosimi Grozniydagi konsert zalida bo‘lib o‘tadi”, — deya ma’lum qildi Checheniston rahbari matbuot xizmati.
18-sentabr kuni Chechenistonda 13 yil mobaynida ilk bor respublika rahbarining to‘g‘ridan-to‘g‘ri saylovi bo‘lib o‘tdi. Respublikani 10 yildan beri boshqarib kelayotgan Ramzan Qodirov uchun ham bu siyosiy hayotidagi birinchi saylov bo‘ldi. Uning uchun saylovchilarning 97,94 foizi ovoz berdi.
5-oktabr kuni respublikada Checheniston poytaxti kuni ham o‘tkaziladi: Grozniy 198 yilligini nishonlaydi.
Izoh (0)