AQShning Kaliforniya shtati shimolidagi tog‘li hududda o‘rmon yong‘inlari oqibatida 30 ga yaqin turli imorat vayron bo‘ldi. Bu haqda 1-oktabr, shanba kuni shtat o‘rmon yong‘inlari mudofaasi boshqarmasi jurnalistlarga ma’lum qildi, deb yozadi “TASS”.
Boshqarmaning ma’lum qilishicha, 12 ta turar-joy va 16 ta xo‘jalik imorati yonib ketgan. Maydoni 17 kvadrat kilometrga yaqin hudud yonib kul bo‘lgan. O‘t o‘chiruvchilarning baho berishicha, 320 dan ortiq turli bino xavf ostida. Santa-Klara va Santa-Kruz okruglarining bir necha yuzga yaqin aholisi evakuatsiya qilingan.
Boshqarma xodimlari yong‘in kelasi haftaning boshida bartaraf etilishini taxmin qilmoqda. Oxirgi oylarga Kaliforniya hududida bir nechta o‘rmon yong‘ini yuz berdi.
Izoh (0)